റോഡ് സേഫ്റ്റി

റോഡ് സേഫ്റ്റിയുടെ ഭാഗമായി പാലക്കാട് ട്രാഫിക് പോലീസ് സ്കൂളില്‍ ഒരു ബോധവല്‍ക്കരണ പരിപാടി സംഘടിപ്പിച്ചു.നാടകം,സ്കിറ്റ് ,മൈം, അഭിനയഗാനം എന്നിവയിലൂടെ ഹെല്‍മറ്റും സീറ്റ്ബെല്‍റ്റും ധരിക്കേണ്ടതിന്റെയും അമിതവേഗം നിയന്ത്രിക്കേണ്ടതിന്റെയും ആവശ്യകത ബോധ്യപ്പെടുത്തുന്ന നല്ല ഒരു അവതരണമായിരുന്നു.

">

             

കുമരപുരം സ്കൂളിന്റെ ഉയര്‍ച്ചക്ക് എല്ലാവിധ
സഹായ സഹകരണങ്ങളും നിറ‍ഞമനസ്സോടെ നലകികൊണ്ടിരിക്കുന്ന എല്ലാ ഗ്രന്ഥശാല പ്രവര്‍ത്തകര്‍ക്കും ,ഈ സന്മനസസുകളുടെ സേവനങ്ങളെ 

ഞങ്ങളുടെ സ്കൂളിലേക്ക് കൈപിടിച്ചാനയിച്ച ബഹുമാനപ്പെട്ട പി റ്റി എ പ്രസിഡന്റ് ശ്രീ ജോസ് സാറിനും ,മറ്റു എക്സിക്യുട്ടീവ് അംഗങ്ങള്‍ക്കും ഞങ്ങളുടെ 

എല്ലാവരുടേയും ഹൃദയം നിറഞ അഭിനന്ദനങ്ങളും നന്ദിയും അറിയിച്ചുകൊള്ളുന്നു

   ശേഖരീപുരം  ഗ്രന്ഥശാല  

                സ്കൂളില്‍ അക്കാദമികവും ഭൗതികവുമായ ഉന്നമനത്തില്‍
‌നിലവിലുള്ള പി ടി എ പ്രസിഡന്റിന്റെയും ഗ്രന്ഥശാലാ പ്രവര്‍ത്തകരുടേയും നല്ല ഇടപെടീലുകള്‍ ഉണ്ടായിട്ടുണ്ട്. ഇതില്‍ എടുത്തു പറയേണ്ടതു്         

ശേഖരീപുരം ഗ്രന്ഥശാലയിലെ സായാഹ്ന  പ്രാദേശിക പഠനകേന്ദ്രം. 

പഠനകേന്ദ്ര ക്ലാസ്സില്‍ പങ്കെടുത്ത മുഴുവന്‍ കുട്ടികള്‍ക്കും ഗ്രന്ഥശാലാ പ്രവര്‍ത്തകര്‍ ഭക്ഷണം നല്‍കിയത്

 പഠനകേന്ദ്ര ക്ലാസ്സില്‍ പങ്കെടുത്ത മുഴുവന്‍ കുട്ടികള്‍ക്കും ക്യാഷ് അവാര്‍ഡ് നര്‍കിയത്

 പഠനകേന്ദ്ര ക്ലാസ്സില്‍ പങ്കെടുത്ത മുഴുവന്‍ കുട്ടികള്‍ക്കും ക്യാഷ് അവാര്‍ഡ് നര്‍കിയത്

മലയാള മനോരമ പത്രം  മലയാള മനോരമ പത്രം

പാലക്കാട് ലേഡീസ്   സര്‍ക്കിള്‍ സ്കൂളിലേക്ക് മലയാള മനോരമ പത്രം സ്പോണ്‍സര്‍ ചെയ്തു.25-8-2016 വ്യഴാഴ്ച രാവിലെ സ്കൂളില്‍ നടന്ന ചടങ്ങില്‍ നഗരസഭാ കൗണ്‍സലര്‍ ശ്രീമതി.പ്രിയാ വെങ്കിടേഷ് സ്കൂള്‍ ഹെഡ്മിസ്ട്രസ്സിനു പത്രത്തിന്റെ കോപ്പി കൈമാറി.ചടങ്ങില്‍ പത്രത്തിന്റെ സര്‍ക്കുലേഷന്‍ മാനേജരും സ്കൂള്‍ പി ടി എ പ്രസിഡന്റും  ലേഡീസ്   സര്‍ക്കിള്‍ പ്രവര്‍ത്തകരും പങ്കെടുത്തു.

 

നാട്ടുപൂക്കള്‍ പൂത്തിറങ്ങി ചിങ്ങം വരവായി. 

വ്യത്യസ്തമായ ഒരു പരിപാടിയാണു് ഇത്തവണ മലയാള പുതുവത്സരത്തെ വരവേല്‍ക്കാന്‍ സ്കൂള്‍ മലയാളം ക്ലബ്ബ് സംഘടിപ്പിച്ചതു്. പേരറിയുന്നതും അറിയാത്തതുമായി നാട്ടില്‍ കാണപ്പെടുന്ന മുഴുവന്‍ പൂക്കളുടേയും ഒരു പ്രദര്‍ശനമാണു് ചിങ്ങം ഒന്നിനു് സ്കൂളില്‍ സംഘടിപ്പിച്ചതു്. 

 

ചിത്ര സ്കൂള്‍  
   ക്ലാസ്സ് ആകര്‍ഷകമാക്കുക, ക്ലാസ്സില്‍ മെച്ചപ്പെട്ട പഠനാന്തരീക്ഷംമുണ്ടാക്കുക,പഠനം ആസ്വാദ്യമാക്കുക  എന്നീ ലക്ഷ്യങ്ങളോടെ സ്കൂളിലെ കലാദ്ധ്യാപകന്‍ ബൈജുദേവ് ചിത്ര സ്കൂള്‍ പരിപാടിക്കു തുടക്കം
കുറിച്ചു.സ്കൂളിലെ എല്ലാ ക്ലാസ്സ് മുറികളുടേയും ചുമരുകള്‍  ചിത്രങ്ങള്‍കൊണ്ട്  നിറയ്ക്കുന്ന ഈ പരിപാടിയില്‍ സ്കൂളിലെ വരയില്‍ താത്പര്യമുള്ള കുട്ടികളെക്കൂടി ഉള്‍പ്പെടുത്തി ഒരു ബൃഹദ് സംരംഭമാക്കുകയാണു്.വലിയ സാമ്പത്തിക ചെലവുള്ള ഈ പരിപാടി സ്പോണ്‍സര്‍മാരുടെ സഹായത്തോടെ മാത്രമേ പൂര്‍ത്തിയാക്കാന്‍ കഴിയൂ.അതിനാല്‍ ഏകദേശം  ഡിസംബര്‍ അവസാനത്തോടെ പൂര്‍ത്തിയാനുദ്ദേശിക്കുന്ന ഈ പ്രവര്‍ത്തനത്തിനു സ്കൂളിനെ സ്നേഹിക്കുന്ന പ്രദേശവാസികള്‍ പൂര്‍വ്വ വിദ്യാര്‍ത്ഥികള്‍ എന്നിവരുടെ  പങ്കാളിത്തം ആവശ്യമായി വരും. സുമനസ്സുകള്‍ ഈ പരിപാടിയുടെ നല്ല വിജയത്തിനായി സഹകരിക്കണമെന്നഭ്യര്‍ത്ഥിക്കുന്നു.  

ആഗസ്റ്റ്  15
സ്വാതന്ത്ര്യദിനാഘോഷം 2016    G H S S  KUMARAPURAM 

 ഈ വര്‍ഷത്തെ സ്വാതന്ത്ര്യദിനാഘോഷം വാര്‍‌ഡ് കൗണ്‍സിലര്‍ ശ്രീമതി  മീനാക്ഷി
 പതാക ഉയര്‍ത്തി . വിദ്യാര്‍ഥികളുടെ വിവിധ കലാപരിപാടികള്‍ ഉണ്ടായി.
സമാധാനത്തിന്റെ പ്രതീകമായ വെള്ളരിപ്രാവുകളെ കുട്ടികള്‍ പറത്തി.    പി ടി എ പ്രസിഡന്റ്  ശ്രീ  C .V.  ജോസ്   സ്പോണ്‍സര്‍ ചെയ്ത് നല്‍കിയ ലഡ്ഡു വിതരണത്തോടെ പരിപാടികള്‍ അവസാനിച്ചു

                                               

ശാസ്ത്രകേരളം വിജ്ഞാനോത്സവം 2016
വിജയികള്‍           

കേരള ശാസ്ത്രസാഹിത്യ പരിഷത്തും, കേരള വിദ്യാഭ്യാസ വകുപ്പും ചേര്‍ന്നു വര്‍ഷം തോറും സംസ്ഥാനവ്യാപകമായി നടത്തുന്ന വിജ്ഞാനോത്സവം ആഗസ്തു് 23-ചൊവ്വാഴ്ച സ്കൂളില്‍ നടത്തി.ശ്രീകൃഷ്ണ(10 A),പ്രശാന്ത്  (9D), സിദ്ധാര്‍ത്ഥ് (10 A), ജ്യോതിഷ്(10B),വിശ്വജിത്ത്(9C)എന്നിവര്‍ മേഖലാതല മത്സരത്തിലേക്കു തെരഞ്ഞെടുക്കപ്പെട്ടു.


    

ഹിരോഷിമ ദിനാചരണം

ഇനിയൊരു യുദ്ധമുണ്ടായാല്‍ അതിന്റെ പരിണിതഫലം വിവരണാതീതമായിരിക്കുമെന്ന സന്ദേശം പ്രചരിപ്പിക്കുന്ന JRC കേഡറ്റുകളുടെ സൈക്കിള്‍ റാലിയോടെയായിരുന്നു ഇത്തവണത്തെ ഹിരോഷിമ ദിനാചരണം.റാലിയില്‍ സ്കൂളിലെ 55 കേഡറ്റുകള്‍ പങ്കെടുത്തു. JRC കൗണ്‍സിലര്‍ രവികുമാര്‍, വി.പി.ശശികുമാര്‍,സ്കൂള്‍ ഹെഡ്മിസ്ട്രസ്സ് എന്നിവര്‍ റാലിയെ അനുഗമിച്ചു.

തുടര്‍ന്നു JRC കേഡറ്റുകള്‍ സ്കൂള്‍ മുറ്റത്തെ പൂന്തോട്ടം നവീകരിച്ചു.പ്രവര്‍ത്തനങ്ങള്‍ക്കു് JRC ലീഡര്‍ പ്രതീഷ് നേതൃത്വം നല്‍കി.

സ്കൂള്‍ പാര്‍മെന്റ് രൂപീകരണം

ജനാധിപത്യപരമായി തെരഞ്ഞെടുക്കപ്പെട്ട സ്കൂള്‍ ജനാധിപത്യവേദി ആഗസ്ത് 8-നു നിലവില്‍ വന്നു.

പൊതുതെരഞ്ഞെടുപ്പിന്റെ എല്ലാ ചിട്ടവട്ടങ്ങളും ഉള്‍ക്കൊണ്ടുള്ള ക്രമീകരണങ്ങളായിരുന്നു തെരഞ്ഞെടുപ്പിനു ഒരുക്കിയിരുന്നതു്.കുട്ടികള്‍ വലിയ ആവേശത്തോടെയാണു് എല്ലാ വര്‍ഷവും ഈ ജനാധിപത്യപ്രക്രിയയില്‍ പങ്കെടുക്കുന്നതു്.ഇത്തവണ ബാലറ്റ് പേപ്പറില്‍ സ്ഥാനാര്‍ത്ഥിയുടെ ഫോട്ടോയും ഉള്‍പ്പെടുത്തിയിരുന്നു.പുറമേ NOTAകൂടി ഉള്‍പ്പെടുത്തി നടത്തിയ പുതിയ പരീക്ഷണം നല്ല വിജയം കണ്ടു.ഭൂരിപക്ഷം വോട്ടര്‍മാരും തങ്ങള്‍ക്കിഷ്ടമല്ലാത്ത സ്ഥാനാര്‍ത്ഥികളെ പാടേ ഒഴിവാക്കി NOTA-യെ വന്‍ഭൂരിപക്ഷത്തോടെ വിജയിപ്പിച്ച സംഭവം ഈ വര്‍ഷം നടാടെ ഒരു ക്ലാസ്സില്‍ ഉണ്ടായി.വിജയികളുടെ സത്യപ്രതിജ്ഞ ആഗസ്തു് 22-നു അസ്സംബ്ലിയില്‍ നടന്നു.ലീഡര്‍മാര്‍ക്കു് ഹെഡ്മിസ്ട്രസ്സ് ബാഡ്ജുകള്‍ നല്‍കി.

20-7-2016 ചാന്‍ന്ദ്രയാന്‍ ക്വിസ്സ് മല്‍സരം

സയന്‍സ് ക്ളബ്ബിെന്‍റ നേതൃത്വത്തില്‍ ചാന്‍ന്ദ്രയാന്‍ ക്വിസ്സ് മല്‍സരം നടത്തി.10 A യിലെ നമിത,9 A യിലെ GOKUL ,കൃഷ്ണകുമാര്‍,8 c യിലെ ആശ എന്നിവര്‍ സമ്മാനര്‍ഹരായി

വായനാദിനം

ജൂണിലെ വായനാവാരത്തോടനുബന്ധിച്ചു് സ്കൂളില്‍ വ്യത്യസ്തതയുള്ള പ്രവര്‍ത്തനങ്ങളാണു് ഇത്തവണ നടത്തിയതു്. ജൂണ്‍ 19-നു് രാവിലെ നടന്ന പ്രത്യേക അസ്സംബ്ലിയില്‍ സ്കൂള്‍ ഹെഡ്മിസ്ട്രസ്സ് വായനാദിന സന്ദേശം പകര്‍ന്നു. വായനയുടെ പ്രാധാന്യത്തെ വ്യക്തമാക്കുന്ന അര്‍ത്ഥഗര്‍ഭമായ ഒരു പ്രസംഗം ഒമ്പതാം ക്ലാസ്സ് വിദ്യാര്‍ത്ഥിനി പ്രിയ അസ്സംബ്ലിയില്‍ നടത്തി. ഗ്രന്ഥശാലയുടെ പ്രവര്‍ത്തനം മനസ്സിലാക്കുന്നതിനായി സ്കൂള്‍ വിദ്യാരംഗം കലാസാഹിത്യവേദിയിലെ അംഗങ്ങള്‍ ശേഖരീപുരം ഗ്രന്ഥശാല സന്ദര്‍ശിച്ചു.വെള്ളിയാഴ്ച സ്കൂളില്‍ സാഹിത്യക്വിസ് നടത്തി.

 

30-6-2016 ക്ളബ്ബുകളുടെ ഉദ്ഘാടനം

വിവിധ ക്ളബ്ബുകളുടെ ഉദ്ഘാടനം 30-6-16ന് ചെറുകതാകൃത്തായ ശ്രീ മോഹന്‍ദാസ് ശ്രീകൃഷ്ണപുരം നിര്‍വഹിച്ചു.
HM,PTA PRESIDENT ,TEACHERS എന്നിവര്‍ പങ്കെടുത്തു

  

നോട്ട് ബുക്കുകള്‍ വിതരണം ചെയ്തു

എന്‍ എസ്സ് എസ്സ് കോളേജിലെ വിദ്യാര്‍ത്തികള്‍ കുട്ടികള്‍ക്ക്  നോട്ട് ബുക്കുകള്‍ വിതരണം ചെയ്തു

ബോധവല്‍ക്കരണ ക്ളാസ് 16/07/2016

പത്താം ക്ളാസ്സിലെ ആണ്‍ കുട്ടികള്‍ക്ക് സൈക്കോളജിസ്റ്റായ ശ്രീ പ്രശാന്ത് ബോധവല്‍ക്കരണ ക്ളാസ് നല്‍കി

ഗൃഹസന്ദര്‍ശനം പത്താംക്ലാസ്സിലെ മുഴുവന്‍ കുട്ടികളുടെയും ഗൃഹാന്തരീക്ഷം നേരിട്ടു മനസ്സിലാക്കാനായി കഴിഞ്ഞ ഏതാനും വര്‍ഷങ്ങളായി തുടരുന്ന ഗൃഹസന്ദര്‍ശനം സ്കൂളിലെ അദ്ധ്യാപകര്‍ സംഘങ്ങളായി ഇത്തവണയും തുടങ്ങിയിട്ടുണ്ട്. അടുത്ത ഒരു മാസത്തിനുള്ളില്‍ സന്ദര്‍ശനം പൂര്‍ത്തിയാക്കാനാണുദ്ദേശിക്കുന്നതു്.

ഗൃഹസന്ദര്‍ശനം

FULL A+

SSLC ഉന്നത വിജയം നേടിയ കുട്ടികള്‍ക്കുള്ള പുരസ്കാര വിതരണം

(9/6/2016)

ഇക്കഴിഞ്ഞ SSLC പരീക്ഷയില്‍ എല്ലാ വിഷയങ്ങള്‍ക്കും എ പ്ലസ് നേടി സ്കൂളിന്റെ അഭിമാനമായ S.അഭിജിത്തിനും ഒമ്പതു് എ പ്ലസ്സുകള്‍ നേടിയ ബിബിന്‍.ഡി,ഹരികൃഷ്ണന്‍.കെ എന്നിവര്‍ക്കും സ്കൂളിലെ അദ്ധ്യാപകര്‍ കാഷ് അവാര്‍ഡുകള്‍ നല്‍കി അനുമോദിച്ചു.